楊柳青泡泡浴裸誘李天翔

楊柳青、李天翔

無綫台慶劇《解決師》正在播映，除王浩信及唐詩詠一對外，不少角色都值得留意。之前張頴康與馮盈盈的浴室激咀戲曝光，兩人親熱咬耳仔，睇到人嘩嘩聲，但原來「一山還有一山高」，另一索女楊柳青（Wiyona）亦與李天翔有場浸浴戲，更裸背上陣，超性感！

心理輔導扮鎮定

模特兒出身的Wiyona近年轉型做打女，曾在《溏心風暴3》擔演一角，今次在《解》劇飾演李天翔秘書兼情婦，雖然她曾拍攝泳衣照，但在劇集裸露則是第一次，更獻出螢幕初吻給天翔！她受訪時直言拍攝性感戲非常緊張：「第一次拍呢類戲，好在導演同天翔都好好，好照顧我，Roll機前天翔都冇正面望我，令我拍得好舒服。我心入面好緊張，驚走光，表面就扮淡定，我不斷催眠自己唔好緊張，同自己做心理輔導，不停提自己放鬆啲，最緊要拍出嚟靚。錫戲我更加係零經驗，驚錫得唔好睇！」

楊柳青首次在劇集有裸露戲，感激對手天翔有風度。	楊柳青	不吃不喝Keep Fit的楊柳青，谷出澎湃上圍誘溫家偉。

比堅尼冧溫家偉

另一場戲，Wiyona以比堅尼上陣色誘溫家偉，大晒Fit爆身段，雖然平日有做運動，但她拍攝前加倍努力操Fit，希望令身材更好睇，事前更不吃飯不喝水。她直言本身性格男仔頭，今次要做婀娜多姿的溫柔秘書，演技上絕對是個大挑戰！