蔡嘉欣簽無綫火速做主持
現年25歲的應屆落選港姐蔡嘉欣（Kayan），賽前被視為大熱門，最終大熱倒灶。惟其表現獲無綫賞識，上月正式簽下無綫經理人合約藝人，可謂「塞翁失馬，焉知非福」。簽約後她極速獲派加盟節目《姊妹淘》固定主持班底，演出和曝光機會比三甲佳麗更快更多，相當得寵。
與吳若希做姊妹
Kayan受訪時坦言開心，感激公司給予機會，對於機會比其他得獎佳麗多，她說：「唔清楚其他佳麗嘅工作安排，暫時未知需唔需要上藝員訓練班。」首次以主持人身份為節目開工錄影，她與另一主持吳若希（Jinny）即成為好友：「節目氣氛比較輕鬆，同一班拍檔傾偈扮靚，大家都錄得好開心！我同Jinny成為姊妹，佢好Nice，大家都好好！我頗多懶音，錄影前特別練吓咬字，希望講嘢清晰啲。」
恨與黎耀祥合作
她期望將來有更多機會拍劇，直言有興趣拍《愛．回家之開心速遞》：「想飾演類似醫生、律師角色，因為現實生活做唔到。」最想主持、演員雙線發展！入行前Kayan十分欣賞黎耀祥，拍港姐外景時對方亦有隨隊：「佢完全冇架子，仲傳授經驗畀我哋班佳麗。當時我唔敢要求合照，希望有機會同佢合作。」