杏兒難忘英國寄宿慳到盡

陳慧珊監製及主持的香港開電視節目《放學後》，最新一集邀得宣萱及胡杏兒任嘉賓，三人齊齊遊歷成長舊地英國，期間重返杏兒母校循道中學。杏兒憶述12歲隻身到學校寄宿，最難忘行到腳生繭：「上完英文堂，要過班房上化學堂，因為路程遠，加上以前嘅鞋質素唔好，行到腳生繭。」她又指當年每星期只有5鎊零用錢，跟朋友出外時要省吃儉用，從中學懂珍惜：「好多時唔會出去食飯，因為冇多餘錢，買零食都係買最平，娛樂就係行市中心，但只睇唔買，儲到錢先同朋友睇戲。」