陳貝兒覓真愛遠嫁非洲

失婚陳貝兒不放棄，相信有天會遇到Mr. Right。

蔣家旻、蘇可欣及陳約臨昨日出席陳貝兒（Janis）主持的無綫節目《嫁到這世界邊端3》記者會，Janis透露今輯走訪非洲、歐洲及亞洲等地，希望能讓觀眾有新鮮感。

蘇可欣男友偷食

席上播出節目內的異國愛情故事片段，蔣家旻睇到眼濕濕，並分享以往一段「苦戀」：「對方係日本人，雖然佢都喺香港，但拍拖似Long D，因為佢唔鍾意成日見，最耐一個月先見一次。我嘗試努力了解佢，但佢回應都係一句起兩句止，不過都拍咗超過一年拖，所以我嘅忍耐力係極高！」而蘇可欣則透露曾與身在英國的男生拍拖，期間發現對方收埋另一個女仔，但仍一起了4年才分手。

至於離婚後保持單身的Janis表示，現時處理感情事屬「佛系」狀態：「緣分到自然會出現。（依家愛情觀唔同？）都係，任何時間都唔好放棄，呢個人終有一日會出現，如果係真愛，要我去非洲都得！」

蔣家旻曾與居港日本人拍拖，最終頂唔順分手。

蘇可欣（左）與陳約臨，情路上各有經歷。