姚子羚嗒慣陳山聰咀到爛！
無綫劇集《大步走》演員陳山聰與姚子羚近日在西貢拍攝咀戲，劇情講述兩人是一對歡喜冤家，互相取笑對方Dry爆，提議扮情侶拖手及面對面深情對望，豈料被途人一撞弄假成真，因而擦出愛火花。
兩人先後錫了三次就完成，相當快手及準確，默契十足。與子羚情同手足的陳山聰笑說：「同子羚拍咀戲梗係冇問題啦，第二個可能會驚尷尬，同子羚就冇嘢，今日呢啲好輕鬆，我哋最激嘅都試過晒！」
唔熟唔食
二人曾合作多套劇集包括《同盟》及《唐人街》也有咀戲，早已駕輕就熟，子羚笑說：「我哋直情咀到爛，不過，次次嘅咀法都唔同嘅，陳山聰可以話喺TVB裏面任我魚肉嘅人，咀戲、打戲都係，唔使驚佢嬲。」陳山聰笑說：「之前拍廠景，佢成個手袋掟埋嚟，排嗰陣唔係咁，大家都拍到收放自如，出嚟效果好自然。」
婚照太Chok
下月1日結婚的陳山聰最近公開到法國拍攝的婚紗照，他與老婆各換三套服裝，拍攝數千張相，揀相時特別感動：「老婆唔係藝人，擺甫士會生硬啲，要同佢跳住舞咁畀攝影師捕捉影相，我就畀攝影師話我Chok得滯，哈哈！」