張彥博拖手圓心願搞濕女神

阿博不足一年再開演唱會，獲圈中好友陳庭欣、陳瀅、Kellyjackie及商界美女胡曦文等捧場。他以閃爆造型大晒胸肌出場，再自彈結他自唱《堅持》，當問歌迷覺得造型如何？不少人大叫除衫，他笑說：「唔好啦！呢度尺度冇咁大o架！」

「跳躍F4」舞扇唱兒歌

首位出場嘉賓是被阿博視為女神的周慧敏（Vivian），兩人合唱《情未了》，Vivian身穿低胸背心裝相當性感，阿博更變身小Fans圓心願：「拖到你隻手濕晒！」她笑說：「手汗OK嘅，有個歌手比你嚴重10倍，啲汗滴水咁，所以你唔使緊張，放心出汗啦！」雖補充「冇講係邊個」，但大家已估到是其老友古巨基。阿博坦言很多舊同學為睇女神才買飛入場，更被同學笑他公器私用。他趁機在台上拿出珍藏的女神閃卡索簽名兼集郵，一次過實現三個願望。

唔肯即場剝，晒張半裸相當安慰獎。	胡曦文有份贊助，讚張彥博是逆齡指標。	「跳躍F4」合照時，陳瀅上台「呃相影」！

其後，輪到劇集《跳躍生命線》的羅天宇、郭子豪及何廣沛組成的「跳躍F4」出場，四人一身黑白唐裝造型邊舞動紅扇邊跳唱，又唱兒歌《Baby Shark》娛賓，贏得不少掌聲。阿博要求與三人合照留念，同劇的陳瀅即跑上台「呃相影」。個唱尾聲，阿博唱《圓缺》時台下觀眾都亮起手機燈，一片燈海令他感動得眼濕濕。

獲胡曦文讚白淨

完騷後，阿博受訪時講到騷胸肌又晒半裸照，他透露為操肌已餓足幾個月，終於可以有飯落肚。他又開心指能與Vivian拖手感滿足，想親自寫歌送給她回禮，亦會「找數」請三位好兄弟食餐好。胡曦文旗下美容保健產品IFUBO有份贊助是次演唱會，她讚阿博是逆齡指標，不似39歲：「我以為佢廿幾歲咋！原來佢都幾有『資歷』，佢又白白淨淨皮膚又好，所以諗都冇諗就贊助佢。」