吳若希為囡囡追仔唔使親生！
吳若希昨日到電台宣傳劇集《多功能老婆》插曲《每段愛還是錯》，自爆有份為MV度橋，問有否親熱鏡頭？她笑說：「其實套劇都冇乜親熱鏡頭，寶華姐（監製陳寶華）覺得唔使靠親熱戲去製造話題。」談及日前結婚兩周年，她笑說：「嗰日太攰，冇慶祝，尋日同老公去拍拖睇戲，有小朋友之後好難有兩個人嘅時間，當慶祝咗。（送禮物？）冇，送禮不如叫佢畀Cash。」
女兒現在兩歲半，吳若希坦言待她讀小學便追多個：「最想幫個女生個『哥哥』，有機會都會考慮領養。（老公領養OK？）佢冇話事權o架！」此外，昨日她上載帶女兒睇中華白海豚的照片，憶起當年佗B期間見到海豚玩得開心，即立下決心把女兒帶到這世界。
