捧YOSHIKI場兼集郵李施嬅東京睇騷Coco上身
藝人李施嬅日前到日本出席東京時裝周活動，並欣賞X JAPAN隊長YOSHIKI的品牌Yoshikimono時裝騷，施嬅說：「YOSHIKI喺台上伴奏，好有Feel，上個月我喺紐約時裝周睇咗好多騷，今次好唔同，好有藝術感覺，之後我哋獲邀睇佢嘅Concert，一隊咁勁、咁傳奇嘅Band，令好多觀眾睇得好瘋狂，好震撼，真係大開眼界！」
她直言為了出席今次活動，搵衫搵了很久，最後決定以劇集《金宵大廈》Coco旗袍裝上陣：「因為YOSHIKI設計嘅衫有日本和服，以展現地方文化，好有意思，我都想搵啲衫可以代表到香港。大家都咁喜歡Coco姐，我都好喜歡，所以就揀咗旗袍。」她亦有把握機會與YOSHIKI合照。此外，她指今次到日本「漫漫長路」，因有大風雪，停留機場一段時間才能上機。
