樂隊Pandora昨日上電台宣傳首張大碟《THE OPENING》，四子又透露幸得設計師朋友相助，設計碟面有熱感位製造驚喜︰「盡量都經濟少少，始終我哋唔係有大唱片公司支持，所以每件事都親力親為，希望之後可以去唱片舖搞宣傳活動。依家唱片業唔係好賺到錢，做歌手唔係搵得好多，所以都有做兼職維持生計，我哋做番有關音樂嘅，咁就唔使學多樣嘢。」
