鄧麗欣生日冇王子陪瞓
已屆適婚年齡的鄧麗欣（Stephy）跟台灣男友王子（邱勝翊）打得火熱，連粉絲也替偶像心急，齊齊向她催婚，自詡飽歷風霜的她封口拒談婚期。她又笑言會進行生日特「瞓」，不過，王子因工作而未能與她共度。
昨日是藝人Stephy的36歲生日，歌迷會一班粉絲日前為她舉行生日會，慶祝偶像「第二個18歲」。粉絲們除了送上親手炮製的生日蛋糕外，更與壽星女大玩「估歌仔」、「歌詞接龍」等集體遊戲，不少忠實歌迷擁有驚人記憶力，對Stephy多首金曲倒背如流，令她驚訝不已。
Stephy笑言生日通常會進行特「瞓」閉關一天：「因為通常前一日慶祝，玩完通宵後正日就瞓覺，休息一日。」問是否與男友王子共度？她扁嘴笑說：「冇啦！今年佢要做嘢，我唔知佢係咪講大話啦！哈哈！應該唔係嘅，佢真係去咗第二度做嘢，冇所謂啦！」歌迷都為她的人生大事着急，乘勢追問她與王子的婚期，令壽星女哭笑不得。
自認飽歷風霜
對於被連番催婚，Stephy笑說：「我懷疑佢哋係臥底嚟，今日好多粉絲都無端端好官腔咁問我幾時結婚？我已經飽歷風霜，呢個問題已經畀人問咗十年，我都習慣咗，所以當聽唔到。」