關楚耀帶阿媽拍拖
藝人關楚耀昨日上電台宣傳新歌《樹窿》，笑指媽媽就是樹窿：「咩都會同佢講，我哋會互窒、互寸。」又大爆媽媽會跟他和朋友外出食飯、飲酒樣樣齊：「試過我飲到咁上下頂唔順想走先，佢同我講要跟朋友轉場去唱K，有時又會同朋友講我壞話，收我啲風。（感情事？）都有，但做嘢多。（會做電燈膽跟你去拍拖？）都有嘅。（見咗家長？）見咗。（媽媽鍾意女友？）都OK呀！」
有傳好友吳業坤將加盟他的唱片公司，取代離巢的他做「一哥」，他笑住澄清：「我唔走呀！唔會離開公司。（歡迎吳業坤加入？）歡迎！同佢都合作過幾次，私下同佢、JW都會約出去，所以都有問佢幾時完約，咁佢都話想轉新環境，仲話睇吓同邊個合作。」又笑稱趁機會說服對方加入公司。