梁漢文董敏莉啪丸搞「婚外情」

藝人梁漢文及董敏莉在ViuTV劇集《假設性無罪》演夫妻,表面是模範夫婦,實質關係早已平淡如水,各自發展婚外情,與董敏莉好友羅沛琪偷情,夫妻關係正式破裂!當日兩人為劇集先後拍攝兩場重要戲,先拍吵架戲,隨後拍攝熱吻戲,非常「精神分裂」。

久未拍劇的董敏莉大讚梁漢文專業,有帶備口腔清潔用具,為咀戲做足準備:「佢臨埋位前畀咗粒丸我,原來沖水會變做漱口水,大家都好Fresh!我比較少拍親熱場面,呢次都係極限!事前有同老公講,佢反問我有幾激?之後笑笑口行咗去!」梁漢文謙稱不是「接吻專家」:「做好準備係尊重對手,好在平時去外地做騷要坐長途車,有晒呢類清潔用品,終於大派用場啦!」