陳瀅剪髮施贈承諾日日洗頭

藝人陳瀅事業得意，劇集工作浪接浪。剛完成無綫劇《愛美麗狂想曲》拍攝的她，隨即投入另一新劇《伙記辦大事》，為配合角色造型，她狠心剪掉一頭長秀髮。

日前她抽空到髮型屋「落髮」，為紀念這個重要時刻，特別邀請攝影師拍片。負責「第一剪」的她，將束起的十多吋長髮剪掉，然後交由髮型師收尾。事後她將短片上載社交網與粉絲分享，其緋聞男友陳家樂亦爭住畀Like﹗

對於為藝術犧牲，她受訪時表示﹕「咁大個女未試過剪咁短頭髮，但又冇話唔捨得嘅，反而覺得有新鮮感。剪咗出嚟嗰束長髮，我捐咗畀有需要嘅小朋友。短髮都有好處，我會成日洗頭，唔使再好似以前咁，畀人投訴唔鍾意洗頭。」

另外，陳瀅早前否認與「老公」Howie的戀情，強調二人只是好友。日前她不避嫌為對方慶生，同場還有不少「一對對」藝人，包括周志文及劉佩玥、鄭俊弘及何雁詩，當中最大亮點是陳瀅坐在壽星仔大髀上，又用手箍對方，舉止親暱。