張繼聰讚鸚鵡有演員道德

張繼聰、顏卓靈及姜皓文主演的新片《犯罪現場》，題材懸疑，未到最後一刻，Big Boss身份仍是謎。張繼聰透露與數十貓兒做戲，又要與鸚鵡近距離接觸：「雞同雀其實我都好驚，拍嗰陣我問養鸚鵡嘅訓練員應該點拉近距離，佢叫我畀鸚鵡咬吓，佢話唔係好痛，但第一次咬都幾痛。」並讚鸚鵡有「演員道德」：「因為當佢郁時，又想拍佢盡量唔郁嘅鏡頭，到佢攰又想拍佢郁、跳吓跳吓咁，成日要請嘢食氹佢，但都好聽話。」並自爆為配合鏡頭，跳進河中：「拍完我去沖涼，沖之前有人去完廁所，沖身時先見到啲水流入我頭先跳嘅河入面。」