周奕瑋泛舟河上變「布景」

無綫藝人周奕瑋（Jarvis）最近首次到訪日本四國，拍攝全新旅遊節目，他說：「估唔到咁多人鍾意去嗰度，每次遇到港人都會推介我去『搵食』，自己好有食神！」又指今次有機會穿上牛仔布特製的和服「河上泛舟」，豈料最終變「人肉布景」﹕「本來安排我好有詩意咁拍吓河道風景，點知嗰度係旅遊景點，遇到唔少港人，仲有啲朋友喺上岸處等我合照！」由於9月30日踏上旅途，撞正日本銷售稅提升的歷史時刻，Jarvis隨即掃貨，儲單作留念：「上一次拍嗰陣遇正日本改年號，今次又見證加稅一刻，真係好有緣。」