何韻詩於英國時間10月11日在倫敦舉行演唱會，開騷前收到恐嚇，有人呼籲在其舉行演唱會時到場抗議及掟雞蛋。網上流傳一段短片，開騷前有一班人聚集，不停叫口號辱罵阿詩。身在英國的阿詩表示想不到開騷會受威脅，擔心前來欣賞的觀眾安全問題，叫大家入場時加倍小心。
阿詩助手昨日受訪時表示，雖然沒與阿詩到英國，不過開騷前一日已得悉有人到場外抗議：「係英國警方通知我哋，示威者喺場外，阿詩喺場內，所以阿詩見唔到佢哋。我哋除咗有基本保安，仲有英國警方喺度，所以阿詩冇特別受影響。開騷前啲示威者逗留咗一個鐘左右，叫完口號、掟完雞蛋就走。之前傳聞過百人，但現場只有數十人，個騷好順利完成。」