姊妹療情傷Jessica急推筍盤

甩拖的Cheronna獲一班好姊妹力撐呵護，當中隊友Jessica月底在台灣擺喜酒，Cheronna是姊妹之一，Jessica笑言會介紹筍盤：「我唔適宜講太多，佢瘦咗好多，好弗！希望佢喺我婚禮上搵到好姻緣，任何一個單身筍盤都會介紹畀佢，仲會點名叫佢出嚟搶花球！」另一隊友Yanny坦言知道Cheronna受情傷，會陪她化悲憤為食量，又說：「唔開心一定有，不過已經過咗一段時間，佢有慢慢投入工作。我認識嘅佢好堅強，所以唔係好擔心佢，佢應付到！」