張致恒（Steven）因形象破產冇工開，要到酒店炒散做足10個鐘賺錢養家。雖然辛苦，為了家人他指一切值得！他的囝囝張天寶日前六個月大，Steven上載全家福照，天寶分別穿上西瓜裝及唐老鴨裝，眼仔睩睩加上一雙小肥髀，相當可愛。Steven留言：「囝囝依家六個月大，已經好似一歲咁，再大啲咪抱唔起佢，手都斷啊！」他與太太雯雯亦齊齊給囝囝送上「肉嘴」，雯雯更捧着生日蛋糕，場面幸福滿瀉。