羅孝勇空心手指發痹

歌手羅孝勇(Sheldon)昨日與樂隊Harbor Homme隊友到電台受訪,Sheldon日前上載手指縫針片段,他透露早前手指生軟骨瘤,已於一周前做手術,重提意外經過:「我喺屋企跣親,手指插咗落牆,隻手指歪晒!去到醫院照X光發現有骨瘤,手指好似空心咁,輕輕撞都會斷。出事當晚係我隊Band第一次出Show,我彈唔到結他,隻手放唔到落嚟,但仍然痛住做Show,之後做手術加咗人造骨,鑲咗鐵同螺絲,預計一個月愈合。」

問到手術會否影響手部靈活性?Sheldon說:「未知,要等一個月,但依家感覺好怪,隻手成日痹痹哋,感覺唔係屬於自己咁。(知唔知成因係咩?)都唔確實,可能係隔籬啲筋生得太強勁,哈哈!(驚唔驚變Cancer?)唔會,冇惡性。(覺得自己好黑仔?)係不幸之中大幸,因為 唔係打拳嗰陣整親,否則可能碎晒!」他表示最近不算太忙,到11月才拍戲,有時間好好休息,希望康復後可以再夾Band開Show,上台彈結他。