徐天佑 黃又南單飛獨當一面

徐天佑和譚小環昨日出席ViuTV節目巡禮，分別參演劇集《二月廿九》和《娛樂風雲》，天佑被問到Shine解散傳言，他表示不再回應，而其經理人錢小姐接受電話訪問時表示：「唔係拆夥，唔好用呢個字眼，天佑同黃又南只係暫時分開發展，有機會就會再合作。其實年初已經開始咁樣作個人發展，只係冇公布，亦唔關最近嘅社會氣氛事。佢哋都30幾歲人，想佢哋可以做到獨當一面。」
李麗珍（左起）、葉蘊儀及張慧儀組成「開心婦女組」，譚小環亦唱埋一份。
李麗珍（左起）、葉蘊儀及張慧儀組成「開心婦女組」，譚小環亦唱埋一份。

而小環被問到會否開金口唱當年歌曲《如果天空要下雨》？她笑說：「咁又冇，不過喺劇中飾演過氣女歌星，一班人一齊唱歌，初頭有少少怯，唱現場又有，入錄音室又有，有少少壓力，好耐冇入錄音室啦！」至於李麗珍聯同《女人俱樂部》拍檔葉蘊儀及張慧儀為現正播放的劇集《娛樂風雲》組成「開心婦女組」，珍妹表示有提出請好姊妹參演的意見，現時劇集已臨近煞科，各演員「萬歲」請食乳豬、乳鴿、蛋撻，令她增磅不少。她又透露月底拍新片，是復出影壇第一擊，但開工前要減5磅。

天佑未有多談Shine解散一事。
  • 天佑未有多談Shine解散一事。