樓南光「鹹豬手」王敏奕被非禮委屈

王敏奕(Venus)、梁漢文、董敏莉及樓南光主演的ViuTV劇集《假設性無罪》以職場性騷擾為題材,揭示職場不良文化,話題性十足。劇中樓南光「鹹豬手」女下屬Venus,嚇得她驚惶失措!Venus表示拍攝這場戲時,刻意不綵排,希望雙方以最真實反應演出:「夾咗反而唔自然,埋位先知大家點演!我初入行拍電影時,拍過一場非禮戲份,當時着得比較性感,現場又好多男士,嗰次覺得好委屈!」

樓南光表示曾見過女藝員在片場被摸:「見過有人打住關懷旗號,隻手就喺人哋身體游走!呢啲事,最好由當事人出聲,可能佢哋係契兄妹或者老朋友呢!最好嘅方法就係私底下提佢,如果唔鍾意記得出聲!」