羅霖為學費捱到80歲！

藝人羅霖與鄭明明昨日在中環出席活動，羅霖的三個兒子皆在求學階段，故要努力工作賺學費，她的二仔在美國讀大學修讀心理學，更獲得獎學金，令羅霖大感安慰。不過，大仔在美國讀大學修讀法律卻遇阻滯，已回港轉讀設計，她說：「同大仔傾咗好耐，佢喺英國讀咗一年，之後去咗美國兩年，由頭嚟過嘥咗3年時間同埋七位數字嘅學費。」

體諒壓力大

羅霖指當大仔希望由讀法律從頭來過轉讀設計，令她很不開心，覺得兒子未有體諒她辛苦工作，但最後亦覺得小朋友興趣和健康同樣重要，兒子返港讀書也讀得開心，她笑說：「惟有自己繼續努力做嘢，做到7、80歲囉。讀法律壓力好大，喺外國讀書亦會受到一啲欺負，要睇自己夠唔夠堅強，大仔讀書冇問題，係性格內向啲，反而係對外、同啲朋友問題處理唔到。」羅霖又指二仔性格硬淨，細仔更加是適者生存，不用她擔心。

退休後圓大學夢

羅霖當年因家庭經濟環境不好沒機會讀大學，故將來退休希望圓大學夢。鄭明明則大讚契妹為了三個兒子頻頻撲撲，努力工作，相當佩服她，亦認為讓小朋友留學能擴闊視野，她的孫女亦考入美國耶魯大學。