何雁詩無復青澀搵餅印代勞

歌手何雁詩日前到校園為有份參演的無綫劇《牛下女高音》拍攝片尾曲《我會想念他》MV，導演邀請Big Big Channel一班青春男女客串，其中一位有對大眼睛及健康膚色的美少女游嘉欣，扮演何雁詩的年輕版。

何雁詩看見如「餅印」的嘉欣時也笑說：「睇佢幫林師傑拍嘅《傳說》MV，我霎眼睇都以為係自己，不過佢比我高大，長大咗居然縮咗水，好彩我着咗高踭鞋，其實又唔算差太遠。」一班後生仔女指她可以演回學生角色，可是何雁詩有感已難演繹出青澀感覺，還是找他人代勞較輕鬆。