馬蹄露狼狽似走難入院縫11針

馬蹄露前日於旺角示威現場被打至頭破血流，最後要報警求助及到醫院縫針治理傷勢。有事件發生前後的片段在網上流傳，指馬蹄露遇襲前相約友人食飯，傾談目前局勢。之後馬蹄露之所以到旺角，是因她早前買的一件衫需要更換，期間見到有人破壞櫃員機而拍照，便發生被搶手機再遭圍毆的事件。

稱被球拍柄擊頭

馬蹄露的友人講述她遇襲情況：「有人用網球拍個手柄打佢個頭三下，下巴中咗兩拳，即時爆缸，期間有個黑衫人捉住佢隻手叫啲人唔好打，叫佢快啲走，又有啲師奶幫佢，仲有個外國記者加入營救，事後佢哋去咗報警，再去醫院治療。馬蹄露流咗好多血，頭暈暈，縫完針仲要留病房觀察，之後警察用幾架警車護送我哋離開，好似走難咁，不過馬蹄露已經去咗一個安全嘅地方，邊度我就唔講啦！」據知，馬蹄露頭縫七針、下巴兩針及嘴兩針，一共十一針！

前晚陪同馬蹄露到旺角警署報警的外籍男記者，昨亦於社交網發文澄清與馬蹄露並不相識，他提到有女士被襲擊後向他求助，出於同情下沒有拒絕，事後才得知對方為藝人馬蹄露，為免被誤會其政治立場故發文澄清。

傷勢不影響容貌

至於馬蹄露的好朋友嚴淑明（Mandy），昨日凌晨時分上載了一張握着已從醫院離開的馬蹄露的手，並留言：「徹夜不眠，緊握馬B的手不放，為你感到驕傲。＃正義不會缺席＃馬蹄露真英雄」。Mandy回覆稱馬蹄露傷口要縫針：「下巴、後腦都有縫針，尋晚去咗醫院，冇影響外觀，佢叫大家放心。」

此外，藝人王宗堯涉及一項進入及逗留立法會會議廳範圍控罪作保釋後，昨日首次到警署報到。講到馬蹄露發生流血事件，他指知道對方行得好前，有發生肢體上的衝突：「都係小心啲啦！每個人都有言論自由、政見自由，就算係我都唔會專登行入去其他陣營做啲挑釁動作。」