許文軒做兵過足戲癮

無綫娛樂主播出身的許文軒演出機會愈來愈多，早前有機會夥拍緋聞女友麥美恩拍攝節目《粵講粵(女贊)鬼》，整個節目由廣州一帶拍到返香港，大隊「上天下海」以趣劇形式拍攝，亦是文軒首次「演戲」，難怪他笑指經驗難忘：「好唔捨得台前幕後，覺得呢次『埋位』獲益良多，西關大少、武林高手都演過，最搞笑係早幾日喺電視城古裝街取景，嗰日我扮士兵，着起古裝戲服即刻由頭濕到落腳，連內衣褲都扭得水出咁！以前成日聽啲同事講，夏天拍古裝好辛苦，今次終於輪到我切身體驗，只係拍咗一陣已經好甘！辛苦冇所謂，希望遲啲可以再開拍下一季節目啦！」