方力申勇闖水母陣詩詠都話勁
方力申是200米背泳和400米個人混合泳的香港紀錄保持者，39歲的他希望踏入四字頭之前挑戰自己，近日為慈善決心挑戰45公里環島泳。早前與他睇演唱會而傳緋聞的唐詩詠如何支持？小方說：「我哋係平時唔約出街食飯嗰種朋友，佢好支持我環島泳，佢話我做呢件事好勁，不過都係聽我朋友講。（發展機會？）唔知。（依家係單身？）係，單身咗好耐，證明個人幾悶、要求高，唔知喺海遇唔遇到美人魚呢？」
白車輪椅終點戒備
早前試水游到嘔，小方即收到方媽媽的密召叫他最好唔好游：「我知佢愈來愈擔心，因為我媽唔識游水。」他戲言終點準備了白車和輪椅，就近醫院，本身又有買保險，不用太擔心。大海波濤洶湧，他直認驚鯊魚：「以前我從來唔游出防鯊網，游浮台都腳震，夜潛真係好驚，依家都克服咗；有啲水母畀經過嘅船打爛咗，如果遇到呢啲水母屍體群，就好似衝過個電網咁，到時點？祈多啲禱囉！」
浸12小時變浮屍
跟小方伴游的四人，除歐鎧淳外還有小方胞弟，不過方弟嫌身材未夠完美仍要考慮，小方開玩笑說：「游12個鐘會面腫身腫，因為皮膚吸水，如果六舊腹肌落水，可能上水得番一舊，似浮屍o架！」小方擔任慈善機構「點滴是生命」大使多年，希望11月的環島泳籌得450萬善款，為了練水備戰，他已推掉兩套電影！
髮型：Vince Pang @IL COLPO
化妝：Yen Lai
服裝：@aapestore #aape
場地：AKVO Hotel