60年再遇謝賢 馮寶寶興奮坐大髀

資深演員馮寶寶、謝賢演出林家棟監製新片《殺出個黃昏》，二人超過60年沒有碰面，對上一次合作，馮寶寶才4歲！她展示電話中一張與謝賢合作粵語長片《連理枝》的舊照，笑說：「我哋再見興奮相擁錫面，我跳上佢大髀坐，佢話壓斷佢啲骨！我幫佢開WhatsApp，依家叫佢四哥Daddy。」又說劇組照顧周到，開兩日工休息一日，還有司機接送：「日前家棟生日，我請佢飲我自創嘅生果汁『友德汁』，意頭好又有文化。」家棟亦對兩位前輩表現讚不絕口，指要謝賢拍喊戲，不用準備也喊得出。