鄧建明揭掟結他有景轟

歌手鄧建明昨日現身電台宣傳個唱，透露親自邀請了4、5位嘉賓，預告有「阿田」：「其實係側田，但有被誤會係田蕊妮，但我可能都會搵佢。（太極隊友呢？）佢哋已經喺Band入面，Patrick（雷有輝）同Gary（唐奕聰）就係音樂總監。（唔自己做埋？）恨咗好耐畀人服侍！可以點佢哋做嘢。」事隔10年再開騷，他自爆要一雪前恥：「對上一次開騷好緊張，一支結他彈到尾，今次準備咗好多支，最貴嗰支都六位數字。（好似謝霆鋒High爆掟結他？）嗰啲演出需要啫！同埋掟得嘅多數事前有鋸開少少……咁我唔知佢有冇啦！」