李旻芳被Cut剩外景隨時全面停職

繼娛樂新聞台主播林子博被Out後，無綫節目《東張西望》主持林泳淘又突然被提早解約，最新消息有指同樣是「東張女神」的李旻芳亦不能幸免，因政治表態而被逐步削減工作！

李旻芳原定一星期有數日外景加廠景，但現時廠景主持工作全數被Cut，僅剩下外景工作。不過，消息指外景工作只是暫時有得留低，據知無綫內部正深入研究，是否把其外景主持工作也「一刀切」，意味她將會無限期停工。

解釋請假搞婚禮

記者昨日向李旻芳求證，她得知消息後大感愕然：「唔好嚇我！我冇收到消息，星期六都有通告要開工。（話Cut晒你廠景？）其實我廠景都算新，至今只做過10次左右，通常每隔一個星期先做一次，但因為要籌備婚禮，所以同咗公司講今個月嘅星期六、日要請假，其餘時間都有開工。（之前發表過政治議題嘅嘢？）冇啊！」將於下月5日舉行婚禮的她透露，籌備功夫已如火如荼，預計日內向親友派發囍帖，笑指現時心情緊張，期待當上「黃太」的日子來臨。