谷婭溦翻唱金曲媽咪最興奮
星夢歌手谷婭溦（Vivian）日前為新歌《今宵多珍重》國語版拍攝MV，此曲為熱播劇《金宵大廈》片尾曲，Vivian說：「估唔到今次翻唱得到咁多人鍾意，當初知道要唱呢首歌時，我只係覺得好興奮有歌錄，仲偷笑呢首歌耳熟能詳，唔使從頭學，因為細個父母喺屋企成日聽呢啲前輩嘅金曲，今次負責國語版，更加得心應手。」
Vivian翻唱金曲，笑言父母比她還要興奮：「媽咪打嚟問點解我唔話佢聽，因為啲親戚朋友打去八卦話恭喜，後來先睇到網上報道讚首歌，聽得出佢把聲係開心嘅。」而她目前身在美國進行音樂布道之旅，預告稍後會轉往西雅圖：「今次大家有時間去購物，最興奮係可以去晒當地兩個主題樂園，滿足自己嘅童心。」