吳嘉熙騷胸自爆跌Cup
歌手吳嘉熙前晚為節目《流行經典50年》錄影，着Oversize西裝褸「禾稈冚珍珠」，低調晒腰及騷胸：「我真係好努力咁減肥！（Cup數呢？）可能細咗，依家算係人生最瘦！（會唔吝嗇咁騷身材？）可能會着多啲緊身衫。（男友鍾意你肥啲定瘦啲？）自己身體自己決定。（叫佢一齊操？）佢自己嘢唔關我事啦，咁樣會畀到壓力。」
她指剛從英國參加完好友婚禮，大感新鮮，問到會否在外國結婚？她笑說：「要睇吓有冇錢啦！」至於同隊Super Girls成員Jessica將在台灣擺酒，她透露會做伴娘：「有成員要做嘢去唔到，我會代表大家去玩新郎。（會搶花球？）好似冇呢個環節，但唔要，唔想出醜。」同場還有譚嘉荃，她的個唱由9月延期至11月，自爆之前太大壓力導致脫髮，所以會保持輕鬆。