歌手泳兒昨日到電台宣傳本月中的演唱會，她透露會有性感歌衫，但笑言未知露哪個部位：「為安全起見，我樣樣都有操啲，之前集中操腰。」她預告男Dancer會跳性感舞：「佢會赤裸同大膽少少，但未知我會唔會同佢有互動。（男友畀唔畀o架？）佢都明白係工作，只要安全就得。」並大爆男友最緊張是她工作時有否走光：「試過有次拍MV，我未打好底，佢好嬲，叫助手睇緊啲我，幫我黐膠紙。」又提到前日男友生日，本身他要出埠工作，但臨時不用飛，結果殺她一個措手不及，她即時上網搵食譜，成功整了個蛋糕出來。
