心臟科醫生遊機河追求 岑日珈：高攀唔起

她指對方是工作狂，自認有點怕這類男士：「如果成日顧住做嘢，好容易忽略女友，不過冇人係十全十美，睇吓會唔會有機會發展到。」又指對方很有風度，早前更專程來港約會，正值香港機場遇堵塞：「我叫佢唔好嚟，但佢照飛嚟，特登嚟都幾好嘅。」

工作方面，Angie最近與無綫簽了藝員約，她表示歌、影都試過，唯獨未拍過電視劇：「簽約無綫對我嚟講係好大鼓勵同開心，有人去簽你，等於認同你。」她認為拍劇有助藝人成長及磨練得更快，自言不怕捱夜，亦不介意演醜女，笑言不少藝人做醜角或騎呢角色都會走紅。

打高球調理情緒病

曾患躁鬱症的她現已痊愈，毋須再服藥，她說：「情緒病係心理問題，始終要靠自己行出第一步。」去年她積極做運動，又學打高爾夫球，她說：「高爾夫球個波係唔郁，但瞄準咗都未必打得中，要用內力同耐性，個心要完全冇雜念，愈忟愈打唔到，個心要好平穩，對我個病有少少幫助，紓緩到壓力。打高球就好似工作一樣道理，做咩都唔可以急，要放鬆心情。」

場地：白石高爾夫球場