譚嘉儀12月赴美登台吸金
譚嘉儀日前為新歌《今宵多珍重》拍MV，此曲是劇集《金宵大廈》主題曲，她對於翻唱前輩歌曲並獲得好評大感興奮：「其實翻唱咁經典嘅歌曲，點都有啲壓力，所以自己好努力研究另一種唱法，配合劇集風格，多謝一直支持我嘅人。」
此外，嘉儀正與教會朋友在美國進行音樂布道之旅：「難得有機會去美國唔同省份，寓布道於娛樂，一班人好似家庭咁溫馨，順便當休息同埋收集創作靈感。」她表示年底行程已排得滿滿，預計11月中推出第三張個人專輯：「飛美國之前已經拍好唱片封套，估唔到今年有機會再推出唱片，好多謝公司同老闆信任，12月仲有機會再去美國搵真銀登台，開小型音樂會，希望有機會喺香港開騷！」