馬國開食戒失聲 高海寧解放泳裝齋睇唔潛水
藝人高海寧（高Ling）、陳敏之及楊明等身在馬來西亞拍攝，日前他們玩浮潛及獨木舟，眾女不忘水着上陣享受陽光及欣賞海底世界，高Ling更興奮到失聲！
陳敏之、高Ling、楊明及陳凱琳在馬來西亞拍攝無綫節目《仨心友行》，在當地一個很美麗的島嶼玩浮潛及水上活動 ，有陽光海灘，當然就有水着！敏之受訪時說：「呢個地方好靚，水清沙幼，今次都食咗好多當地嘢，馬拉飯、拉茶，亦做咗好多運動，個個都好Fit！」
開工當旅行
第二次玩浮潛的高Ling覺得今次特別好玩：「本身唔識游水，所以好少接觸海洋，我着住救生衣望到下面有好多魚，啲水好靚、好清，仲見到小丑魚、珊瑚，好開心！好少咁近距離接觸水底世界。」又表示因食得太多煎炸物致失聲，本來想嘗試潛水，但為免病情惡化，惟有等下次才挑戰。提到很久未試過穿泳裝拍攝，她笑說：「所以心情有啲緊張，但好開心，因為今次啲腳好啱Key，好似放假去旅行咁。」
楊明醒目拆招
楊明今次有3位靚女同行，似足「三娘教子」，他即大爆被夾計整蠱：「佢哋同導演想一齊整蠱我，最終梗係畀我識穿啦！」他表示今次在當地玩透明獨木舟，清澈的水底世界令人目不暇給：「本身好鍾意潛水同睇海底，呢度啲水好清、好靚。同埋我喺度食咗好多嘢，肥咗！」