吳業坤取代關楚耀獲斟做一哥

被指取代關楚耀做一哥，吳業坤稱尚未深入了解。

停一停諗一諗

昨日坤坤接受電話訪問時，坦言和JW的唱片公司有接洽：「係有傾過音樂嘢，但未深入了解。（睇中JW的唱片公司係大水喉？）唔會諗錢嘅問題，依家冇幾千萬加盟費嘅嘢，最緊要做得開心，同做有意義嘅嘢。（明年加盟？）我唔心急去搵公司，因為入行接近10年，覺得係時間要停一停、諗一諗，之後點去行呢條音樂路。」說到星娛樂的執行董事Tommy Chu於10月中離職，坤坤表示也是剛剛才知。儘管在年底頒獎禮料食「白果」，不過如受邀，他會以支持樂壇的心態出席。

胡楓讚謝賢唱功

另外，前晚談及無綫將取消台慶亮燈及節目巡禮，他相信節目仍能保持水準，笑言：「因為有我呢種好水準嘅藝人，哈哈！（擔心TVB財困？）我自己就財困，最近使凸咗，本身我都係月光族，依家要努力儲錢。」而同場藝人還有胡楓、陳敏之及鄭俊弘，胡楓支持好友謝賢和馮寶寶拍戲，又搞笑說：「咁咪好囉！唔使遊手好閒、不務正業！」問會否請謝賢上節目合唱？他說：「佢份人呢，鍾意嚟就嚟，我有睇過佢唱歌啲短片，佢都有返大陸唱吓歌o架！佢唱得好過我，哈哈！」

前晚胡楓率領眾主持和嘉賓錄影歌唱節目。	關楚耀	陳敏之穿上露肩裝現身，當堂搶晒鏡。