謝賢帶馮寶寶搵青春

藝人林家棟監製、謝賢、馮寶寶及賈曉晨等主演的電影《殺出個黃昏》，近日於油麻地的懷舊歌廳拍攝，吸引不少途人圍觀。身為男主角的謝賢讚電影選角出色：「拍戲就多，同咁多𡃁仔拍都係第一次。家棟又話要我變，又唔畀我側起個頭，咪睇佢有咩把炮囉！」談到跟老友馮寶寶再聚頭，他笑言猶如時光倒流：「佢喺我眼中永遠係一個小妹妹，雖然係舊拍檔，但係我期望有新火花，等我帶佢攞番啲青春。」而馮寶寶笑言得知與謝賢合作，即從馬來西亞返港開工。