日本Rapper合作迪子擔心唔受「溝」
歌手迪子昨日到電台宣傳新歌《宿醉》，講到新歌跟日本Rapper MC松島合作，她笑指屆時未必可親眼見對方：「佢係朋友介紹，個MV都係佢拍啲片畀我，我再剪輯落去，錄音就係佢處理，但結果出到嚟係超出我嘅滿意程度。（溝通到？）講英文，都擔心佢唔明我想點，有日佢仲問我拎咗份中文歌詞睇，之後拎去翻譯，了解我想表達啲咩，收到份詞都好感動！佢想同香港人加油，今次合作感受到日本人做事好認真。」
迪子又透露稍後會與不同的日本藝術家合作，預告兩年後出新碟：「隔咁耐係因為會連同漫畫推出，隻碟都會喺日本賣。（想唱日文歌？）自己有學日文，但只係用嚟打招呼好簡單，或者會喺啲廣東歌加一、兩句日文，始終廣東話先係我嘅母語。」