謝安琪撇低仔女睇光希減壓
兩位星級潮媽謝安琪、陳凱琳獲邀飛到米蘭欣賞木村拓哉愛女光希有份參與的時裝騷，謝安琪視為減壓之旅，得以放鬆心情，陳凱琳則為了放縱吃喝玩樂而自覺過分。
謝安琪（Kay）、陳凱琳（Grace）日前到意大利米蘭出席時尚運動品牌FILA的時裝騷，同場睇騷的嘉賓還有郭晶晶、內地影星張靜初、黃景瑜等。Kay跟Grace穿上品牌最新服飾現身，而日本「萬人迷」木村拓哉女兒光希亦有現身行catwalk，表現淡定星味十足。
首次參與國際時裝周活動的Kay，由於其演唱會舉行在即，此行正好讓她寓工作於娛樂，盡情減壓，她說：「之前小朋友仲係好細，一直盡量安排香港做嘢，今年終於覺得有機會出埠工作，所以真係覺得好開心！其實呢幾日我都係拍攝，未有時間去玩，但係周圍地方都好靚，真係好享受。」
陳凱琳吃喝玩樂
Grace則是第二次參與品牌的時裝活動，笑指有足夠經驗：「因為上年乜都唔知，以為睇騷要有咩儀態之類，今年我一早裝備自己，可以享受場騷，見到每個Model出嚟真係好興奮！（有冇時間去玩？）頭兩日大會冇嘢安排畀我哋，所以同經理人去吃喝玩樂，諗起都覺得自己過分。」港姐出身的她無意做模特兒行騷，她說：「我冇呢個勇氣，我覺得Model行騷時要保持好有型狀態又唔准笑，加上好多人望住幾尷尬，我都係去番拍戲就可以o架喇。」
