sp'ACE處男騷講心唔講金

田蕊妮舉手點唱，最終上埋台與spACE合唱。

心急想食嘢

到點唱環節，台下的阿田舉手點唱，五子即拉她上台合唱《聽海》，阿田笑自己太衝動：「今日冇化妝，有啲樣衰。」之後他們與其他點唱粉絲合唱，並大送禮物，期間又「點燈」台下的吳業坤合唱《陽光點的歌》，坤坤笑言最想要份禮物。而唱到《無法一吻》時，另一主音吉吉不捨快將完騷而哽咽。

騷後受訪，五子笑言完騷第一時間想食嘢，Ray說：「我同吉吉戒咗個幾兩個月飯，淨係食雞胸同菜，所以完咗之後要好好食番餐。」提到成員的家人及另一半都有到場支持，Ray表示很感謝他們幫手打點，記者提議把演唱會歌酬送給另一半，他笑言：「唔夠畀佢哋，因為今次做慈善，我哋冇乜收歌酬，報答佢哋就返到去任勞任怨啦！」

放大圖片	黃美琪帶埋燈牌撐男友場。	張崇基及張崇德大讚spACE對音樂充滿熱誠。

• 捧場的吳業坤被五子「點唱」。

另外，在之前一晚開騷的阿田，騷後終於可以放肆大食，見她去擦日本燒肉，實行化身「吃貨田」。