J.Arie車牌殺手考足11年！

29歲的雷深如（J.Arie）當年憑優異成績考入香港大學法律系，並成功取得法律學士學位，是名正言順的「學霸」！雖然學習路上一帆風順，多個公開考試都對她毫無難度，但原來亦有盲點！

前晚，她在網上宣布考牌成功，原來她18歲開始學車，前後考過3次路試，經過11年才終於成功，難怪她得悉合格後興奮高呼，與教車師傅合照並寫道：「18歲已經考咗筆試，正式嚟講搞咗11年，知道合格嗰一刻，由Reception尖叫大嗌到跑出去搵教車師傅，再原地跳咗10秒。」她自嘲是一位冥頑不靈的學生，不時問點解，感激師傅耐心教導，又笑說：「我都考到，呢個世界真係冇乜人會考唔到囉！」

放棄考棍波

J.Arie接受本報訪問時表示，18歲筆試成功後沒有即時學車：「我唔係啲鹵莽揸車出街嘅人，又比較細膽，所以一直的唔起心肝去學。到2013年入行，覺得真係要去學車，當時考泊位都Pass，但路試唔成功，之後過咗年幾再考都係肥佬。」她自爆最初貪型格而學棍波：「但上咗兩堂後，每次架車都死火十幾二十次，所以最尾都係揀番自動波。」

撞車留陰影

她還自爆有陰影：「之前坐的士畀電單車撞，又試過坐朋友車突然打『白鴿轉』，Chok親條頸同整到眼眉位置，所以唔再諗住學車。係教車師傅主動聯絡我，承諾贊助我直至考牌成功，咁先試一試。今次考跑馬地嘅路，大家都話難，估唔到會成功，不過今次我有信心，比之前淡定，我會再補吓泊車同窄路掉頭先出街揸。」