錄歌發洩JW喊住搵出路
以慘情歌「聞名」的王灝兒（JW），相隔9個月推出《逃生門》，她希望藉新歌分享「希望」︰「即使段關係死咗，有幾唔開心都好，都可以喺困局入面搵逃生門，畀一個出路自己。」她自爆失戀時會主動搵朋友及家人傾訴︰「失戀會覺得好寂寞，覺得冇人關心自己，搵朋友就會覺得呢個世界仲有好多人錫自己。」
同MV唔啱Feel
新歌派台前，JW先在Instagram上載一段爆喊片，她說：「個旋律好帶動到我，覺得個心一直摺住咁。當時前面有一幅棋嘅畫，就諗起爺爺，佢喺度嘅時候，我成日同佢捉象棋，擺晒情緒落去。」這個精彩片段最終沒有收錄於MV內，問會否覺得可惜？她笑說︰「所以我Post出嚟囉！MV要連貫，無端端見到我喺度爆喊，好似唔係咁好。（難抽離？）唔會，一拍完我就好興奮，入錄音室錄歌就好似畀我發洩咁。」她不介意被封「慘情女王」︰「最緊要有共鳴，起碼人哋唔開心、好慘情嘅時候，會想聽我嘅歌。」