田蕊妮嗌老公仆X:最貼切嘅形容詞

入行25年的田蕊妮，前晚在處女騷《KRISTAL TIN NEW STAR LIVE CONCERT》分享入行至今的歷程，歌唱比賽出身的她，成為演員後只會在沖涼時唱歌，說畢邊唱《Moon River》邊在浴簾後換衫，大玩香艷剪影誘惑，然後換上高衩裙與嘉賓林二汶合唱。

由驚青變勇敢

以結他自彈自唱由二汶送給她作結婚禮物的《守望杜田》時，阿田分享14年婚姻，坦言以為嫁人後可過安定日子，但事實是老公一而再、再而三拖她跳出Comfort Zone，訓練她由驚青變成勇敢的人，她說：「老公亦由一個『仆X』變成一個人，甚至喺我心中，佢係一個好好嘅人。」當初新婚時，外間覺得她住豪宅、揸靚車及戴鑽戒嫁得好，但近幾年有很多人問她，其老公的所作所為可有理她感受？她承認新婚時，另一半的確沒理會其感受，但老公近年生活及心靈上都很照顧她。

「浴室歌后」田蕊妮在浴簾後邊唱邊換衫，影子誘人。	歌唱比賽出身的田蕊妮，自彈自唱冇難度。	有粉絲送蛋糕及唱生日歌，為田蕊妮預祝42歲生日。

含淚歌悼亡母

談到憑電視劇《巨輪》膺雙料視后踏上事業高峰，但同時經歷人生最痛，其母胃癌復發，她到馬來西亞攞視后時，接到父親要她趕往醫院的訊息：「好後悔離開香港，攞完獎嘅開心已經唔記得晒，嗰次媽咪冇再喺醫院出嚟。」獻唱贈亡母的《最親》時更忍不住喊。她又分享與媽咪的點滴，指當年勝出《未來偶像爭霸戰》後，代表亞視參加維園倒數騷，同場有四大天王及王菲等，出場前司儀介紹她是「亞視田蕊妮」，隨即聽到5萬人的噓聲，台下的媽咪即傷心到喊。

騷後問到其老公可知被叫「仆X」？她直言：「佢知，係最貼切嘅形容詞！」