黎曉靈求割愛 張文慈趕住放血
栢芝的新店甫開張，不少好友搶先撐場，如時尚名媛黎曉靈（Kimmy）與張文慈已幫襯。張文慈上載跟栢芝的合照，自爆買了很多戰利品。
而Kimmy笑言前日路過中環，見有新店開張便入內看看，後來才知店主是栢芝：「佢好低調，開張都冇做宣傳，自己做埋店員去推銷，吸引咗附近畫廊嘅設計師同藝術家嚟捧場，啲客要求佢簽名、合照，栢芝都冇Say No，個個都讚佢貼地。」又讚她有藝術天分：「我買咗兩個袋，其中一個袋係以電影《喜劇之王》入面嗰本書《演員的自我修養》作設計，成間舖得一個，係非賣品，我求咗佢好耐先肯讓畀我。栢芝話冇周星馳就冇今日嘅佢，佢真係個好感恩嘅人。」
