狄以達貪方便險害死同事
最近忙於籌備第三間跳舞學校分店的狄以達，前日在社交網自爆發生意外！見他甫出多張照片，又跪地清理現場，他說：「我係於網上買光管，點知光管用用吓竟然爆炸，仲燒着啲電線，真係嚇親人！」幸好他沒有受傷，還幫Studio器材報平安，不過就要執手尾，因為牆壁燒燶了，十分礙眼，他未有時間處理，索性貼上Memo紙「遮醜」。
疑電壓不同出事
狄以達昨日受訪時猶有餘悸，透露寫字樓的光管出事，全因他大意及太懶之過：「啲光管係喺購物網買，唔算好平，只係我太忙，唔得閒去搵，貪方便喺網買，我估係因為電壓問題出事。我只係加咗個旅行插頭，由兩腳變三腳就出事。（會唔會Claim保險？）唔會啦！因為唔係好大件事，又冇大損失。」
事發時他不在現場，但連累公司同事被嚇親，令他內疚：「佢哋話要用滅火筒救熄啲火，我依家都有陰影，都好驚，出門前會仔細檢查全屋電器，到底有冇熄埋啲電，同埋爆炸後成層樓都有(火羅)味。」
