吳業坤苦練日文瀛新戀情
吳業坤雖然緋聞女友多如天上繁星，但仍處於「單身狗」狀態。他決定衝出香港邁向東瀛，利用有限的日語力溝日本妹，結果同髮型一樣自暴其短。
吳業坤、菊梓喬（Hana）、吳浩康（Deep）、陳柏宇、AGA（江海迦）、許廷鏗、鄭欣宜及馮允謙，昨日出席電台活動。剛從日本返港的吳業坤換了新髮型，表示受邀到當地睇露天音樂會，略懂日文的他笑言到後台跟當地著名歌手打招呼。問到是否順道識日本妹？他笑言：「識緊！朋友之間都有介紹，但日文技巧要再增加。」並自爆獻出「第一次」：「喺日本剪髮同染髮，但效果滿唔滿意就見仁見智啦！我唔係好慣。（溝通到？）就係溝通唔到，先剪到咁短。」
菊梓喬拒「假大胸」
Hana興奮宣布計劃再開演唱會：「老闆話下年再開，場大啲或者場數多啲都得。（夠體力？）夠！不過要儲歌。」提到她於社交網上載船P相，問到為何不着泳衣？她坦言冇想過落水：「身材唔好就唔好自暴其短，唔想嚇親人。（之前開騷又話性感，最後都冇嘢睇！）唔啱着呀！臨開騷啲衫太鬆。（唔墊嘢？）我唔做呢啲嘢，明人不做暗事，墊咗比例又唔啱。（學容祖兒着性感高衩泳衣裝歌衫？）設計得靚都可以。」
吳浩康投入唱情歌
熱戀中的Deep透露已跟女友崔碧珈互見家長，父親對女友讚不絕口，又預告將推出情歌：「本身唱開慘情歌，試過作幸福嘅歌，但效果唔好，冇派到台，嗰段時間會避開呢個主題，但今次想突破。（可以投入感情去唱？）絕對幫到手。」