藝人胡美貽（Nicole）早前為無綫旅遊節目《3日2夜》到法國取景，並於當地逗留十日，期間走訪天然海水泳池，擁有34E驕人上圍的她，毫不吝嗇換上三點式大騷身材，她笑說：「喺沙灘入面有個泳池，好得意，嗰日成43度，以為會好熱，點知啲水凍到飛起。我仲唔放過(目及)仔機會，實在太多靚仔，齋睇已經好滿足。」
其後Nicole轉戰巴黎，甫到埗即食甜品，還有幸修讀藍帶廚藝課程，她非常興奮：「呢個課程係濃縮版，專畀啲遊客試堂，好彩畀我攞到張廚藝證書，其實我仲有興趣學Main Course，因為好鍾意食Risotto同意大利粉，希望學完整畀朋友食。」