拍檔Hyper堅開心 蘇韻姿回家學識中文
藝人蘇韻姿參選2016年港姐後加入無綫，隨即被安排在處境劇《愛．回家之開心速遞》中飾演熊心如（紅衫魚）一角，坦言每日開工都非常開心：「現場氣氛好高漲，所以拍嘅時候真係好開心，全部係真情流露嘅，觀眾睇得開心，我哋都好開心。」
自小在加拿大長大的她，起初來港發展時中文程度只是「有限公司」，但隨着三年邊學邊講，現已進步不小，她說：「依家冇乜口音，睇劇本又已經用少咗拼音去幫助，但有啲字都係唔識，所以等埋位時會拎劇本問晒所有人，睇吓我個拼音啱唔啱，所以拍《愛．回家》就好似返學咁，日日都學到嘢。」
