陸浩明孖女友簽證書宣布大事
化身「食神」的陸浩明（6號）昨日孖以學生Look打扮的女友陳詩欣（Ayan），情侶檔出席餐廳開幕活動，6號坦言迷戀「制服誘惑」，曾多次明示或暗示Ayan着校服，今回女友終着上「戰衣」，他開心到笑說可以校服代酬勞，等女友回家再着。而Ayan則笑言希望男友扮護士，6號聞言抵死大笑：「我扮男護士，你扮女護士，可以互相身體檢查！」
講到剛簽下任食證書似足結婚，6號指雖然跟女友有結婚打算，但還未準備好：「未準備粒『糖』（指鑽戒）。」隨即宣布「大事」：「目標係想幫佢開間甜品舖，佢話想學藍帶，可以投資落佢度，等佢將來養番我，到時我就可以食軟性甜品！」Ayan直言不介意養男友，但說到有朋友去法國上藍帶課程花費50多萬，6號即瞪大眼說：「嘩！要喺TVB做幾多年先有？睇嚟要加簽10年約先掂！」