畏高張敬軒高空飛索嗌破喉嚨
歌手張敬軒（軒仔）與當奴繼上次玩iFly室內跳傘後，早前再玩高空飛索，在旅遊節目《天才遊童2019新加坡篇》第二集中，一分鐘內挑戰400多米長的飛索，甫開始時，當奴搞笑叫網民投票兩人中最想看哪個被吊。
本身畏高的軒仔踏上十多米高台已真心驚，但覺得人生甚麼都要試，聽到前面玩家大聲喊驚時，他面色變灰，一離開高台便擘大喉嚨盡情叫，笑言落地後唯一要做的便是「檢查」髮型，認真貪靚！他說：「我嘅畏高唔係極度嚴重，開頭係驚嘅，因為對腳冇嘢踩住凌空，感覺好唔實在，加上有少少離心力。但飛到去中段時，反而成個感覺變得好舒服，好似雀仔咁好自由自在咁飛，好爽。本身話一邊玩一邊唱歌，但完全唔記得晒，哈哈！」